Хосеп Гвардиола се смета за еден од најдобрите тренери на денешницата кој на 535 натпревари ги водел Барселона, Баерн Минхен и Манчестер сити и освои сè што можеше да се освои, но никогаш не бил надигран како вчера, и тоа од неговиот сонародник, Унаи Емери.
Астон вила синоќа го победи Манчестер сити со 1:0, а резултатот одлично звучи ако се знае што преживеаја Граѓаните на „Вила парк“.
Фудбалерите на Астон вила упатија дури 22 шута кон голот на Едерсон, а само во првото полувреме имаа 13 удари.
We've just witnessed an Unai Emery masterclass and these stats prove it. 🫡
Pep Guardiola has managed 535 league games in Europe's big-five divisions, this was:
◉ The most shots his side have faced the first half of any of those 535 matches (13)
◉ The joint-most shots his… pic.twitter.com/dXko211PxW— Squawka (@Squawka) December 6, 2023
Немоќта на Сити на вчерашниот дуел ја отсликуваат само двата шута кон голот на Емилијано Мартинес, а тоа беа најмал број шутеви на еден меч кои ги упатила екипа што ја предводел Гвардиола.
Сити имаше поголем посед на топката, 54 – 46 отсто, но дозволи во првата третина фудбалерите на Астон вила дури 13 пати да им ја одземат топката од првата третина од теренот.
A very good evening for the @AVFCOfficial boss 👔
On his 14th attempt, Unai Emery has secured a first ever win over Pep Guardiola 😤 pic.twitter.com/TxX79LTDKL
— Premier League (@premierleague) December 6, 2023
Унаи Емери во Астон вила пристигна во октомври минатата година, кога екипата имаше само две победи во првите 11 меча, и го препороди тимот притоа успевајќи да обезбеди пласман во Лигата на конференции.
Сезонава Астон вила е уште подобра, моментно се наоѓа на третото место на табелата со четири бода помалку од лидерот Арсенал и заедно со Ливерпул се единствените екипи во Премиер лигата кои имаат максимален учинок на домашен терен.
Интересно е што откако Емери седна на клупата, Астон вила ниту еден натпревар во Премиер лигата не го одиграла без голови.
Unai Emery has never managed a 0-0 game in the Premier League 😲
Guaranteed goals ⚽️ pic.twitter.com/6XqQYiVmzP
— Football on TNT Sports (@footballontnt) December 7, 2023
Емери му одржа лекција по фудбал.