Славниот шведски тренер, Свен-Јоран Ериксон, изминатиот викенд беше во Џенова и присуствуваше на првенствениот натпревар против Реџина. Ериксон веќе подолго време е тешко болен, а според лекарите му остануваат само уште неколку месеци живот.
Тој сакаше да се поздрави со својот поранешен клуб и навивачите, а на стадионот продефилираа и голем број на поранешни фудбалери на Сампдорија. Ериксон од навивачите беше пречекан со овации и со паролата: „Со тебе сме во оваа борба. Добредојде во Џенова господине Ериксон“.
https://twitter.com/footitalia1/status/1787211827258024069?ref_src=twsrc%5Etfw%7Ctwcamp%5Etweetembed%7Ctwterm%5E1787211827258024069%7Ctwgr%5E5a8f7830a6509135618a52e6cd12e5a1ef478c08%7Ctwcon%5Es1_c10&ref_url=https%3A%2F%2Fwww.tvarenasport.com%2Ffudbal%2Fvesti-iz-fudbala%2F26836%2Ffudbal-sven-goran-erikson-pozdrav-navijaci-sampdorije%2Fnews
Свен-Јоран Ериксон беше тренер на Сампдорија во периодот од 1992-рата до 1997-мата година, а во 1994-тата го освои Купот на Италија.
„Во овој клуб поминав пет прекрасни години и навистина ми е мило што сум повторно тука. Тие години игравме убав фудбал, можевме да направиме и подобри резултати, но секако носам прекрасни спомени од тој период и овој клуб. Им благодарам на навивачите за прекрасниот дочек.“ – рече Ериксон во Џенова.
