Повратникот во шпанската Ла Лига, Еспањол, има желба да го купи македонскиот голгетер Бојан Миовски.
Еден од најпознатите шкотски новинари, Ентони Џозеф, кој работи за британски „Скај Спортс“, објави дека Еспањол има сериозен интерес за напаѓачот на Абердин и македонски репрезентативец.
Клубот од Барселона има скромен состав во моментов и Миовски во таква тенка конкуренција би можел да биде стартер, што го прави Еспањол интересен за него.
За Миовски има интерес и од други клубови, се спомнува и Болоња која ќе игра во Лигата на шампионите.
