Италијанската пресметка помеѓу Милан и Наполи од четвртфиналето на Лигата на шампионите, предизвикува огромен интересен на Апенинскиот полуостров, а доказ за тоа е големиот број на продадени билети во текот на денешниот ден.
За првиот меч во Милано, кој ќе се игра на 12-ти април, денеска биле продадени дури 37.000 билети или поточно биле потврдени 37 илјади резервации.
Утрово се продавале билети за оние навивачи на Милан кои имаат годишни билети и CRN (Црвено-црно срце) картичка, а за два часа биле продадени и 10.000 билети. Сите фанови кои имаат резервирано билети, нема да смеат да ги продадат или подарат на друго лице.
