Само еден ден откако го одигра последниот меч за Реал Мадрид, Карим Бензема беше промовиран како нов играч на Ал-Итихад во Саудиска Арабија. Искусниот 35-годишен напаѓач одигра 14 сезони во Реал Мадрид и откри дека мислел кариерата да ја заврши во Кралскиот клуб, но сепак се случило нешто неочекувано.
„Сонот ми беше да потпишам за Реал Мадрид и да останам таму, но се појави нова можност. Одлуката ја донесов во разговор со семејството. Реал Мадрид е најдобриот клуб во светот, но сметам дека ова беше вистински момент да си заминам и да започнам нова приказна“, рече Бензема, кој вечерва пристигна во Џеда, во Саудиска Арабија, и беше еуфорично пречекан.
https://twitter.com/i/status/1666512391931060224
Бензема доаѓа во тимот на Ал-Итихад, кој неодамна ја прослави шампионската титула во домашното првенство и во следната сезона ќе биде ривал со Кристијано Роналдо, кој е дел од Ал-Наср.
Според планот, Бензема утре треба да биде претставен на фановите на неговиот нов клуб, а на стадионот треба да биде поздравен од 60.000 навивачи.
Benzema landing🛬
Welcome to Jeddah, @Benzema!We can’t wait to see you in the stadium 🏟️🤩#Benzema2Ittihad#here2inspireKSA pic.twitter.com/SL9shqTWAF
— Ittihad Club (@ittihad_en) June 7, 2023
