Трите попладнени мечеви во Премиерлигата донесоа интересни случувања. Ливерпул со 1-0 победи на гостувањето кај Барнли, и тоа со гол на Фабињо, иако стартери во нападот беа Мане, Салах и Фирмино.
Црвените се на девет бода заостаток од Манчестер сити, а може да се доближат и на шест, ако го добијат заостанатиот меч.
Њукасл со прекрасниот гол на Трипие од слободен удар, славеше против Астон Вила со 1-0, и направи нов голем чекор кон опстанок во Премиерлигата. Гостите од Бирмингем дадоа гол, но беше поништен по прегледување на снимка на која е измерен милиметарски офсајд.
Тотенхем го претрпе и третиот пораз по ред, со што на Петлите полека им бега местото во Лигата на шампионите. Тимот на тренерот Антонио Конте загуби од Вулверхемптон со 0-2, со два гола во првото полувреме.
