Роџер Федерер нема да може да го одигра дуелот со Стефанос Циципас од четвртфиналето на турнирот во Рим. Швајцарскиот ветеран има проблем со десната нога и мораше да го предаде дуелот кој требаше да се игра попладнево.
Се чини дека 37-годишниот Федерер иако изгледаше релативно свеж после победата над Борна Чориќ, го плати данокот на играњето два натпревари во еден ден. Така, Циципас без борба дојде до своето трето полуфинале по ред, откако освои титула во Есторил, а загуби во финалето во Мадрид.
