Еден од најконтроверзните моменти на досегашниот дел од Светското првенство е моментот дали топката беше излезена надвор од теренот или беше во игра, во акцијата по која Јапонија го постигна вториот гол против Шпанија. Со тој погодок, Јапонија стигна до триумф од 2:1 над Црвената фурија, а најмногу настрада Германија која заврши трета во групата и остана без пласман во осминафиналето на Мундијалот.
ВАР системот покажа дека топката не била во аут со целиот свој обем, а од ФИФА објавија и круцијален доказ зошто погодокот на Јапонија е регуларен.
Каору Миотима беше играчот кој успеа да ја стигне топката да не излезе во гол-аут и асистираше за погодокот на Ао Танака.
„Вториот гол на Јапонија беше проверен по пат на ВАР системот за да се утврди дали топката ја поминала гол-аут линијата. ВАР судиите ги користеа камерите што се користат за гол-линијата, за да бидат сигурни дали топката делумно или целосно го напуштила игралиштето. Други камери може да понудат погрешни агли, а на овие достапни докази утврдено е дека топката не била во аут со целиот свој обем“, стои во соопштението на ФИФА.
Japan’s second goal in their 2-1 win over Spain was checked by VAR to determine if the ball had gone out of play.
The video match officials used the goal line camera images to check if the ball was still partially on the line or not. pic.twitter.com/RhN8meei6Q
— FIFA.com (@FIFAcom) December 2, 2022
