Светската фудбалска федерација, ФИФА, објави дека го менува форматот на интерконтиненталниот бараж за пласман на Светското првенство во Катар.
Со новото правило, ќе се игра само еден меч, и тоа на неутрален терен. Првично беше планирано да се игра дома-гости, но тоа е сменето. На овие два меча, ќе разигруваат национални тимови од Азија (победник на плејофот), четвртиот од КОНКАКАФ (Северна и Средна Америка), Јужна Америка (петтиот на табелата од квалификациите), и најдобриот тим од Океанија.
Овие баражи, наместо во март како европските баражи во кои ќе учествува и Македонија, ќе се играат на 13-ти и 14-ти јуни 2022 година, а домаќинот на турнирот ќе биде Катар.
