Милан и Фиорентина одиграа 2-2 во интересен натпревар на „Сан Сиро“. Двата тима имаа свои одлични моменти на дуелот, а на крајот се задоволија со поделба на бодовите.
Фиорентина поведе со автоголот на Малик Тијао во седмата минута, а само три минути подоцна Моисе Кин зголеми на 0-2.
Тами Абрахам во 23-та минута успеа да намали и да го врати Милан во живот, а израмнувањето го донесе Лука Јовиќ со погодокот во 64-та минута.
Во финишот, Додо постигна гол за Фиорентина, но по прегледување на ВАР снимката беше утврдено дека се работи за офсајд позиција.
