Фиорентина конечно се израдува на нова победа во домашниот шампионат, откако од гостувањето кај Комо се врати со голем триумф од 1-2, во 25-тото коло од Серија А.
Тимот предводен од Цеск Фабрегас важеше за фаворит, не само поради домашниот терен и подобрата позиција на табелата, туку и поради солидната форма во овој дел од сезоната. Сепак, домаќинот тоа не го потврди на теренот. Фиорентина одигра зрело и тактички дисциплинирано, ги искористи своите шанси и со по еден погодок во двете полувремиња стигна до посакуваните три бода.
Резултатот го отвори Фаџиоли во 26-тата минута, додека веднаш на стартот од второто полувреме Кин зголеми на сигурни 0-2. Шпанскиот стратег на клупата на Комо ги искористи сите свои „џокери“, но тоа донесе само намалување на резултатот. Конечните 1-2 беа поставени во 77-та минута, кога Паризи си постигна автогол.
Во самиот финиш Комо остана со играч помалку, откако Мората поради приговори заработи два жолти картони во рок од една минута и мораше предвреме да замине во соблекувалната. Црвен картон беше покажан и на другата страна, во 70-тата минута исклучен беше тренерот Ваноли.
