Познатата статуа во Рио де Жанеиро, Исус спасителот, по повод финалето на Копа Либертадорес, беше „преоблечена“ во црвена и црна боја, во чест на Фламенго, клубот од Рио кој посакува вечерва да стане клупски првак на Јужна Америка, доколку го совлада аргентинскиот гигант Ривер плејт.
Фламенго цели 38 години ја чека оваа титула, генерацијата на славниот Зико беше првата и последна која му донесе титула во Либертадорес на клубот од Рио. Бразилците со нетрпение го чекаат трофејот, па затоа жителите на Рио можеа да ја видат прочуената статуа во дрес на Фламенго.
