Флора е првиот тим од Естонија што ќе игра во фаза по групи во еврокуповите и им се приклучи на ерменски Алашкерт и на Линколн од Гибралтар кои приредија ист подвиг и се првите екипи од своите земји што минале квалификации и ќе настапат во фазата по групи во Конференциската лига на УЕФА.
Флора успеа да го елиминира Шемрок, со втората победа во двомечот, вечерва со 1:0 на гостински терен. Естонците победија со 4:2 на првиот меч и со вкупен резултат од 5:2 се пласираа во новото натпреварување на УЕФА.
https://twitter.com/estonski_futbol/status/1430993020380459011?s=20
Алашкерт загуби од Глазгов ренџерс со вкупен резултат од 0:1 во квалификациите за Лигата на Европа, но автоматски се сели во Конференциската лига на УЕФА. Денеска во реваншот ерменскиот тим одигра без голови на свој терен и не успеа да ја анулира предноста на шкотскиот гигант од 1:0 од првиот меч.
Линколн стана првата екипа од Гибралтар со ист подвиг како Флора и Алашкерт, а дотаму стигна со победа од 3:1 против Рига во реваншот на „Викторија стадионот“.
За подвиг на Линколн му беа потребни две продолженија во реваншот и два гола во дополнителното време, откако и во вториот меч беше 1:1 по регуларниот дел како и во Летонија.
https://twitter.com/SweeperPod/status/1430997075349721088?s=20
Тотенхем со 3:0 го елиминира тимот на Пашош Фереира и ќе игра во Конференциската лига, а со денешниот триумф клубот од Лондон е единствениот што има колекција на победи во сите досегашни европски натпреварувања.
Tottenham also become the first English club to win games in each of the Champions League / European Cup, the Cup Winners' Cup, the Uefa Cup / Europa League, the Intertoto Cup & the Europa Conference League.
— Richard Jolly (@RichJolly) August 26, 2021
Популарните Спарс победуваа во Лигата на шампионите, во Купот на победници на куповите, во Лигата на Европа, во Интертото купот и сега и во Конференциската лига на УЕФА.
