Раководството на Реал Мадрид го реновира „Сантијаго Бернабеу“, па стадионот сега изгледа фантастично, но се користи и за многу други работи кои немаат врска со фудбалот.
Вложувањата и тоа како им се враќаат на Кралевите, па Флорентино Перес очекува приходи од 400 милиони евра оваа сезона само од стадионот и само за активности кои не се поврзани со фудбалот.
На стадионот има луксузни ресторани и угостителски објекти, се издава на концерти и манифестации, а бројот на спонзори и реклами постојано расте. Планот е дури да има и нова реконструкција со која ќе се зголеми и капацитетот за публиката.
