Францускиот фудбалски судија Јоан Руансар, најде оригинален начин да им благодари на сите, откако го имаше својот последен судиски свиреж во кариерата. Руансар судеше на дерби двобојот од Лига 2 помеѓу на Мец и Брест, кој заврши со победа на домашните од 1-0.
Неколку секунди пред крајот на средбата, арбитарот ги собра сите играчи, го извади спрејот и на теренот напиша „Merci”, што значи благодарам.
Освен од фудбалерите на двата тима кои во следната сезона ќе бидат прволигаши, аплаузи за судијата имаше и од фановите на трибините.
Руансар, кој има 45 години, две и пол децении беше судија и делеше правда на повеќе од 600 официјални мечеви во кариерата.
Погледнете како изгледаше простувањето на Руансар:
https://twitter.com/i/status/1129657949448802305
