Саудиска Арабија најверојатно ќе биде избрана за домаќин на Светското првенство во фудбал во 2034 година.
Во моментов таа земја е единствениот кандидат за организатор на Мундијалот кој че се игра по десет години. Официјалната потврда треба да се донесе на 11-ти декември, кога ФИФА ќе ги објави домаќините на Светските првенства во 2030 и 2034 година.
Домаќини на Светското првенство во 2030 година се знае ќе бидат шест земји, и тоа: Шпанија, Португалија, Мароко, Аргентина, Уругвај и Парагвај, со тоа што во јужноамериканските земји ќе се игра само по еден натпревар. Отворањето и првиот меч ќе биде во Монтевидео во Уругвај, по повод 100-годишнината од првото СП.
Изборот на Саудиска Арабија се очекува да предизвика контроверзи и коментари, особено што пред само две години имаше Мундијал во арапскиот свет и тоа во Катар, но засега никој друг не се кандидираше, па Саудијците кои многу вложуваат во фудбалот ќе ја добијат честа да бидат домаќини.
