Португалија во последното коло од квалификациите ќе мора да го осигура местото на Светско првенство 2026 година, откако вечерва помина неславно на гостувањето кај Република Ирска и загуби со 2:0.
Ирците уште во првото полувреме дадоа два гола, а потоа домаќините успешно ја сочуваа предноста и стигнаа до трите бода.
Португалија не само што беше инфериорна, туку играчите на гостите беа и фрустрирани затоа што делуваа немоќно на теренот. Капитенот Кристијано Роналдо направи инцидент поради кој беше казнет со директен црвен картон во 61 минута.
Роналдо крвнички намерно со лакт директно го удри противничкиот играч. Главниот судија по прегледување на ВАР снимката му додели на Роналдо директен црвен картон.
