Фулам ќе го почне реваншот против Кардиф со предност од 2:0 вечерва од 20.45 часот, на легендарниот „Крејвен котиџ“ и домаќините се многу блиску до мечот на „Вембли“, што е скап и вреди цели 200 милиони евра.
Вкупниот победник од овој двомеч ќе игра против Брентфорд на Вембли во најскапиот меч сезонава, а финалето е закажано за 4 август, во истиот термин од 20.45 часот.
Се игра за третиот и последен билет за настап во Премиер лигата идната сезона, а само шампионот од плејофот ќе биде дел од англиската елита.
Новите премиерлигаши добиваат по околу 200 милиони евра, сума што веќе си ја обезбедија Лидс и Вест Бромвич албион.
Вечерва Фулам ќе се обиде да дојде на чекор до исполнување на сонот и има огромна предност од два гола против Кардиф од првиот меч.
Интереесно е што двата полуфинални двомеча се меѓу англиски и велшки екипи, а како што тргнало, ќе има сеанглиско финале за пласман во Премиер лигата.
Вчера Брентфорд со победа од 3:1 на домашен терен против Свонси ја анулира негативата од првиот меч од 0:1, а денеска ќе се знае кој ќе му биде ривал во финалниот меч.
