Герет Саутгејт одлучи да остане селектор на Англија, екслузивно објави британски „Телеграф“.
По елиминацијата во четвртфиналето на Мундијалот во Катар и поразот од Франција, селекторот на Гордиот Албион соопшти дека ќе размисли некое време дали да остане кормилар на една од најсилните селекции на светот, или ќе си замине.
Сега „Телеграф“ објави информација дека дилемата е резрешена и дека саутгејт кој има поддршка од англиската Федерација ќе продолжи да селекторува.
Тоа е важно и за Македонија, бидејќи сме со Англија во иста група во квалификациите за следното Европско првенство што ќе се игра во Германија во 2024 година.
Со нас во една од најтешките групи се и Италија, Украина и Малта.
Со Англичаните ќе играме во третото коло на „Олд Трафорд“ на 19. јуни идната година, а во последното коло ќе ни гостуваат во Скопје на 20. ноември.
