Победата над Македонија на германските фудбалери им донесе пласман на Светско првенство, па тие по средбата, се опуштиле во соблекувалната на арената „Тодор Проески“ со пиење газирани пијалоци, енергетски гелови и јадење суво овошје.
Новинар од весникот „Билд“ направи обиколка на соблекувалната во Скопје во која беа сместени Германците и забележа дека на масата која е во средина на просторот има суво овошје (чипс од банана и суви сливи) и чоколади со ориз. На клупите за седење и во кантата за отпад имало лименки со кока-кола.
Кај тушевите имало полни канти со мраз кои речиси и да не биле искористени. На видеото кое го сними новинарот на „Билд“ и може да го погледнете ТУКА се гледа нечистотијата, особено во едно од лавабоата, каде што се чистеле копачките и полно е со трева и земја.
