Навивачот на Ливерпул кој беше снимен на камера како фрла туристи во фонтана во Барселона, доби три години забрана за влез на стадионите. Ентони Мален е 57-годишниот симпатизер на Ливерпул кој дивееше пред првиот меч од полуфиналето во Лигата на шампионите.
На првата снимка настрада еден постар турист, додека на втората се гледа како Ентони насилно во фонтаната фрла помлад турист.
„Тоа беа грозни инциденти во кои настрадаа двајца недолжни луѓе. Тие беа жртви на Ентони. Поголем дел од навивачите кои беа во Барселона беа коректни, а однесување како тоа на Мален нема да се толерира“, стои во образложението на одлуката Ентони во следните три години да не смее да присуствува на фудбалски меч.
Here’s the “Liverpool fan” who tripped a Barcelona local into the fountain.
Vile behaviour and not what the club is about at all.
Think @LFC should attempt to take this further, he doesn’t represent our fan base.
— Anfield Edition (@AnfieldEdition) April 30, 2019
Освен овие два инциденти во Барселона, 57-годишниот навивач на Ливерпул направи инцидент и во последното коло од Премиер лигата, кога пред стадионот успеал да му ги соблече пантолоните на еден од редарите на „Енфилд роуд“.
