Новак Ѓоковиќ се пласираше во полуфиналето на ЛОИ во Париз, откако со 2:0 во сетови го победи Стефанос Циципас. Во првиот сет Ѓоковиќ успеа да направи еден брејк на противнички сервис и тоа беше доволно да го добие со 6:3.
Во вториот сет, Циципас започна многу посигурно. Гркот поведе со 4:0, но Новак не се предаде. Стигна до 4:5 кога Циципас на свој сервис водеше со 40:0 и имаше три сет топки, но не ги искористи. Ѓоковиќ не само што ги спаси тие три сет топки, туку направи брејк по кој стигна до 6:6 и се избори за тај-брејк во кој беше доминантен и го доби со 7:3, за крај на мечот кој траеше два часа.
IDEMO! 💪
Novak Djokovic takes the first set 6-3 against Stefanos Tsitsipas #Paris2024 | #Olympics | #tennis pic.twitter.com/2f8gBeI0qh
— ITF (@ITFTennis) August 1, 2024
За Ѓоковиќ ова е четврто полуфинале на ЛОИ, но сега доааѓа најтешкото за него, бидејќи во претходните три ситуации губеше во полуфиналињата на Игрите. Во полуфиналето, Ѓоковиќ ќе игра против Италијанецот Лоренцо Мусети.
