Новак Ѓоковиќ е подготвен за најголемиот предизвик на Ролан Гарос и полуфиналниот меч со Рафаел Надал откако вечерва го елиминира Матео Беретини со победа од 3:1 во сетови.
Полуфиналето меѓу првиот носител од Србија и апсолутниот рекордер на Ролан Гарос од Шпанија ќе биде шлагер на целиот турнир и финале пред финалето во мечот за титулата.
Надал претходно денеска го победи Диего Шварцман со 3:1 во сетови и најави дека сериозно атакува на 14-тиот пехар на Ролан Гарос.
Мечот против Беретини неочекувано се одолжи, но сепак заврши пред полноќ, со победа на првиот носител од 6:3,6:2, 6:7, 7:5.
Сега Новак ќе се обиде да го остави големиот ривал Надал на 13 титули во Париз, што е рекорд во историјата на популарниот гренслем на земјена подлога.
Во второто полуфинале ќе играат Зверев и Циципас, па еден од нив ќе игра во завршниот меч за пехарот на Ролан Гарос.
Кај дамите во полуфиналето ќе играат Словенката Зиданшек против Пављученкова од Русија и Сакари од Грција против Кејчикова од Чешка, а интересно е што ниту една од нив нема гренслем-пехар.