Новак Ѓоковиќ е елиминиран на Индијан Велс откако по голема борба во осминафиналето, со 2:1 во сетови загуби од Џек Дрејпер. Во четвртфиналето Британецот ќе игра против Данил Медведев.
Повеќе од два и пол часа траеше битката меѓу Ѓоковиќ и Дрејпер. Србинот го доби првиот сет со 6:4, а потоа со истиот резултат возврати и Дрејпер. Во решавашкиот трет сет Дрејпер водеше со 5:4 и сервираше за победа, но Ѓоковиќ направи брејк и се врати во игра. На крајот беше 6:6, па тај-брејкот решаваше за победникот. И таму беше неизвесно. На 5:5, Дрејпер го зеде поенот на свој сервис, а потоа успеа да ја освои и првата меч-топка и на крајот славеше со 7:5 над големиот ривал.
На овој меч освен големата борба, беше виден и еден од најдобрите поени во историјата на тенисот. Се случи тоа на почетокот од третиот сет, а по голема борба и 26 разменети удари, поенот на крајот го освои Ѓоковиќ. За жал на многуте фанови на Србинот, сепак мечот му припадна на Дрејпер.
Novak Djokovic wins “the best point you will ever see” pic.twitter.com/qyT2Rlnmas
— asud (@asud683385) March 12, 2026
