Шампионот на Вимблдон, Новак Ѓоковиќ, изрази надеж дека ќе може да игра на Отвореното првенство на САД, како и на Австралија опен на почетокот на следната година, но и ако не го пуштат да игра во Њујорк, ќе се помири.
„Јас сум професионален тенисер и сакам секаде да играм. Политиката не ме интересира. Сакам секој да биде слободен да го одбере најдоброто за себе. Ако ми дозволат, ќе одам во Њујорк. Ако не, нема да биде крајот на светот“ – вели Србинот кој има 21 грен-слем титули.
Што се однесува до Австралија, таму популарниот Ноле имаше непријатна сага во јануари.
„Навистина се надевам дека ќе може да се појавам таму во јануари. Ја сакам Австралија, таму ми се најдобрите грен-слем резултати“ – коментира Ѓоковиќ.
