Српскиот тенисер и седми играч на светот, Новак Ѓоковиќ, на импресивен начин го отвори настапот на последниот гренслем турнир во сезоната, УС Опен.
Ѓоковиќ во првото коло играше против 50-от тенисер на светот, Лирнер Тиен од САД, и победи со 3-0 во сетови (6-1, 7-6, 6-2).
Мечот траеше два часа и 24 минути, а единствената драма се виде во вториот сет, во кој Тиен се држеше одлично до тај-брејкот.
Дури и Американецот имаше сет-топка на сервисот на Ѓоковиќ при 5-4, но не ја искористи. Српскиот тенисер успеа да се спаси и да го освои сетот во тај-брејк. Третиот сет беше рутински завршен.
Во второто коло на УС Опен, Ѓоковиќ ќе игра против уште еден домашен тенисер, Закари Свajда.
Daniil Medvedev looking totally distraught after his loss to Bonzi at the U.S. open.
— The Tennis Letter (@TheTennisLetter) August 25, 2025
He’s smashing his racquet and just sitting on the court.
Brutal loss to swallow.
pic.twitter.com/CYvceKNR2M
Големо изненадување се случи во последниот меч од програмата, кога испадна поранешниот број еден на светот, Данил Медведев.
Русинот беше поразен од 51-от тенисер на светот, Бенжамен Бонзи, во вистински спектакл кој траеше речиси четири часа. Бонзи славеше со 6-3, 7-5, 6-7, 0-6, 6-4, што е нов катастрофален резултат за непрепознатливиот Медведев во последниот период.
Кај дамите немаше поголеми изненадувања меѓу најдобрите, а понатаму помина Арина Сабаленка.
