Најдобриот светски тенисер, Новак Ѓоковиќ, и во второто коло од Отвореното првенство на Австралија со голема мака успеа да победи против аутсајдер. Овојпат СДрбинот прописно се испоти против домашниот тенисер Алексеј Попирин и на крајот по 192 минути игра победи со 3-1.
Натпреварот започна според посакуваното за Новак Ѓоковиќ, откако го доби првиот сет со 6-3. Попирин возврати во вториот со 6-4 и израмни на 1-1.
Вистинска драма се случуваше во третиот сет, во кој Ѓоковиќ спаси четири сет топки на противникот и во тај-брејкот (7-4) успеа да дојде во водство од 2-1. Во последниот, четврти сет домашниот тенисер успеа да спаси три меч-топки на Ѓоковиќ, при резултат 5-2 и 40-0, но иако остана во игра, веќе во следниот гејм Србинот дојде до победата со 6-3 за конечни 3-1.
