Долев Хазиза е стрелец на најубавиот гол во денешните натпревари од второто квалификациско коло за настап во Лигата на шампионите и постигна погодок што ретко се гледа.
Играчот од средниот ред на Макаби Хаифа го спаси својот тим од пораз со погодок во 92-рата минута за 1:1 против Олимпијакос, а на волшебен начин, свртен со грб и без да гледа кон голот на гостите успеа да им ја затресе мрежата.
Голот на Хазиза можете да го погледнете ОВДЕ.
Олимпијакос водеше со 1:0 во Хаифа со погодокот на Зинкернагел во седмата минута, а и ремито е добар резултат за грчкиот првак, кој е домаќин на реваншот за 7 дена.
