На спектакуларна церемонија беа отворени Зимските олимписки игри во кинеската престолнина Пекинг, а како и секогаш на ваквите настани, за гледачите една од најинтересните работи е парадата на спортистите која се користи и да се привлече внимание кај пошироката публика.
Македонската делегација беше минимална, само со знаменосецот Дардан Дехари.
Иако температурата во Пекинг беше ниска (-5 степени), знаменосецот на Американска Самоа, Нејтан Крамптон, кој ќе биде учесник во трките во скелетон, се појави во национална носија на својата земја, а тоа значи гол од половината нагоре.
И нозете му беа разголени од коленото надолу. Американска Самоа на ЗОИ се појавува со 26 години.
Интересни беа и португалските спортисти, кои кога се појавија на стадионот „Птичје гнездо“, го имитираа нивниот сонародник Кристијано Роналдо, поточно начинот на кој Роналдо ги прославува своите голови. Погледнете:
https://twitter.com/i/status/1489588126007926784
