Бразилецот Луис Назарио да Лима Роналдо е еден од најдобрите фудбалери на сите времиња. Прославениот Бразилец блескаше во дресот на Барселона, Интер и Реал Мадрид, а поради неколкуте тешки повреди не успеа да биде уште поспектакуларен.
Роналдо низ кариерата постигна многу убави голови, а еден од оние кои ќе се памтат секако е во дресот на Барселона на дуелот против Компостела. На 12 октомври 1996 година, односно пред точно 24 години, Роналдо тргна во напад што противничките играчи никако не успеаа да го сопрат.
