Антоан Гризман ќе го напушти Атлетико Мадрид и кариерата ќе ја продолжи во американскиот Орландо сити. Трансферот е договорен и тој ќе отпатува во САД за да го потпише договорот. Потоа ќе се врати во Шпанија за да му помогне на Атлетико до крајот на сезоната во обидот да ги освои Купот на кралот и да се пласира во Лигата на шампионите, по што официјално ќе стане играч на Орландо.
Интересно е што Гризман настапи против Реал Мадрид како стартер, а веднаш по дербито беше објавено дека си заминува, па затоа оваа информација во шпанските медиуми и доби ваков елитен третман.
Гризман е вистинска легенда на Атлетико. За клубот одигра 487 натпревари и е најдобар стрелец во историјата со 211 гола, на кои додаде и 97 асистенции. Тимот го предводеше до трофеи во Купот на кралот и во Лигата на Европа.
Ова е негов втор престој во Атлетико. Првпат пристигна во летото 2014 година од Реал Сосиедад за 54 милиони евра. Пет години подоцна ѝ беше продаден на Барселона за 120 милиони евра, но по две години се врати, прво на позајмица, а потоа во 2023 година и со постојан трансфер. Атлетико тогаш го откупи за 22 милиони евра.
🚨💣 BREAKING: Antoine Griezmann to Orlando City, here we go! Verbal agreement in place for French star to join MLS side.
— Fabrizio Romano (@FabrizioRomano) March 23, 2026
Agreement on deal for July 2026, free transfer from Atlético.
After deal for March rejected, agreement done for summer. Griezmann will travel this week to… pic.twitter.com/e3Nb3Ienjx
