Антоан Гризман ќе биде стартер кај Атлетико Мадрид на дуелот со Еспањол кој почнува од 16.15 часот и тоа значи дека Французинот ќе го има 521-виот настап во шпанската лига и со тоа ќе стане рекордер меѓу странците.
Лионел Меси сега паѓа на второ место со 520 меча. Севкупно ако се сметаат и домашните играчи, Гризман е деветти на вечната листа, на првите осум места се Шпанци, рекордери се Андони Зубизарета и Хоакин Санчес со по 622 меча во Ла Лига.
Иако е најдолговечен странец во шпанската лига и играл за три различни клубови, Гризман уште нема освоено титула.
