ГРК Охрид го официјализира ангажманот и на грчкиот репрезентативец Николаос Лиапис, кој од следната сезона ќе го носи дресот на охридскиот клуб. Дваесет и петгодишниот ракометар доаѓа од грчкиот гигант Олимпијакос, клуб во којшто ја започна својата кариера, а настапува на позицијата пивот.
Лијапис, кој важи за прв избор на селекторот на грчката репрезентација на својата позиција, во својата кариера има настапувано и за АЕК Атина, како и за шпанскиот Адемар Леон, еден од најпознатите клубови во АСОБАЛ лигата.
„Среќен сум што ќе се приклучам на ГРК Охрид од следната сезона. Возбуден сум што ќе бидам дел од овој нов голем проект. Тимот ми ги презентираше своите амбиции, кои навистина се високи, и подготвен сум да работам напорно за да ги постигнеме заедничките цели. Едвај чекам да започне сезоната и да се видиме на терен“, изјави Лијапис.
Со неговото доаѓање, Охрид најавува амбициозна сезона во која ќе атакува на висок пласман во домашното првенство, како и на добри настапи на меѓународната сцена.
