Африканскиот куп на нациите полека се претвора во Африкански куп на црвени картони. На досегашните пет осминафинални дуели, покажани се дури шест црвени картони. Нема меч од нокаут-фазата во кој не е исклучен некој фудбалер.
По првото полувреме на дуелот помеѓу Сенегал и Зеленортски Острови (Капе Верде) резултатот е 0-0, а од 20-тата минута фаворитот Сенегал има човек плус на теренот. Но, и по исклучувањето на Андраде, кое беше со помош на ВАР-технологијата, Сенегал не успева целосно да доминира и да создаде поголем број шанси за гол.
Најубавата шанса ја имаше Садио Мане уште во првата минута, кога ја погоди стативата.
