Седум години откако процени дека не му е потребен, Пеп Гвардиола во емотивно обраќање откри како направил голема грешка со Хесус Навас.
Навас (39) пред неколку дена ја заврши својата богата кариера. Легендарниот фудбалер на Севиља се повлече како европски првак бидејќи минатото лето со репрезентацијата на Шпанија го освои Европското првенство во Германија.
Во својата кариера Навас играше само за два клуба. Целиот свој живот го помина во Севиља, освен епизодата во Манчестер сити. Можеби ќе се задржеше подолго во Манчестер сити ако Пеп Гвардиола по доаѓањето не проценеше дека Навас не му е потребен.
Навас во 2013 година премина од Севиља во Сити за 20 милиони евра, но четири години подоцна, Гвардиола одлучи дека Навас треба да го напушти клубот. Седум години подоцна, Гвардиола призна дека тоа била голема грешка.
Шпанскиот тренер и менаџер на Сити сними видеопорака со која го испрати Навас во пензија.
„Ти благодарам за подарокот што поминавме една година заедно. Не знаеш колку жалам што те пуштив. Сакав да останеш овде подолго, но понекогаш човек греши“, искрено рече Гвардиола и продолжи со пофалби за Навас.
„Честитки до сите навивачи на Севиља што имаа толку извонреден играч и личност. Не дозволувајте да си замине уште многу години. Држете го блиску до клубот и до сите вас“, додаде Гвардиола.
Со Севиља освои четири титули во Лигата на Европа, а за неговиот придонес во клубот, претседателот Хозе Марија дел Нидо Караско му понуди доживотен договор кој ќе му овозможи да преземе која било функција во клубот.
