Луис Хамилтон извозе најбрзо време со неговиот болид на Мерцедес на првиот тренинг во пресрет на трката за Големата награда на Унгарија. Британецот запиша време од 1:17.223, што го направи побрз од Макс Ферстапен за помалку од половина секунда. Се чини дека актуелниот светки првак го заборави катастрофалниот настап во Германија, па целиот фокус му е насочен кон претстојната трка во која ќе се обиде да ја запише осмата победа за оваа сезона.
Хамилтон со ова најави атак на седма пол-позиција во Унгарија, со која би се изедначил со Михаел Шумаер, рекордерот на „Хунгароринг“.
Себастијан Фетел со неговото Ферари извозе трето најбрзо време, односно беше поспор од Ферстапен за илјадити дел од секундата, додека на четвтото, односно петтото место се најдоа Пјер Гасли и Кевин Магнусен. Од шестото до десеттото место се пласираа Леклер, Хулкеберг, Норис, Сајнц и Рајконен.
Со непосакувани проблеми се соочи вториот возач на Мерцедес, Валтери Ботас. Финецот воопшто не се појави на патеката откако механичарите мораа целосно го расклопат неговиот болид.
Вториот тренинг на патеката „Хунгароринг“ ќе се одржи во 15 часот, за утре се предвидени квалификациите, додека самата трка е закажана за во недела во 15 часот.
CLASSIFICATION: END OF FP1
Lewis Hamilton ends the first session fastest at the Hungaroring, closely followed by Max Verstappen and Sebastian Vettel 🧐 #F1 #HungarianGP 🇭🇺 pic.twitter.com/I10omdOLdk
— Formula 1 (@F1) August 2, 2019
