Тотенхем го победи Кардиф, минимално со 1:0, со голот на Ерик Даер во осмата минута. Даер го постигна првиот погодок од 2017 година, доволно за три бода за екипата од Лондон.
Тотенхем има три победи по ред и е на третото место со 18 бодови, еден помалку од водечкиот двоец Манчестер сити и Ливерпул.
Тоа беше единствена победа на домашна екипа на петте натпревари од 16 часот. Гостите славеа на три дуели. Вулверхемптон со 1:0 го победи Кристал Палас во Лондон, Евертон ги однесе бодовите на гости со триумф од 2:1 против Лестер, а најубедлив беше Борнмут со убедлива победа од 4:0 кај Ватфорд.
Нерешено, 1:1 заврши дуелот меѓу Барнли и Хадерсфилд.
