Фудбалската репрезентација до 19 години доживеа убедлив пораз (4-0) од Холандија во вториот натпревар од елитните квалификации за Европското првенство.
Холанѓаните презедоа иницијатива уште од првите минути и целосно ја контролираа играта, а резултатот го комплетираа со по два гола во двете полувремиња.
Најзабележителен во нападот беше Рулен, кој постигна хет-трик, додека еден гол додаде Беренс.
Ова беше прв пораз за Македонија во групата, откако во првиот меч ремизираше без голови против Фарските Острови. Во групата е уште и селекцијата на Молдавија, која ќе биде нашиот следен ривал.
