Англискиот премиерлигаш Брентфорд потпиша четиригодишен договор со голманот Марк Флекен. Финансиските детали не се откриени, но британските медиуми пишуваат дека се работи за трансфер вреден 13 милиони евра, пари кои ќе му припаднат на германскиот бундеслигаш Фрајбург, каде што досега бранеше Флекен.
Во сезоната која заврши, Флекен бранеше одлично за Фрајбург и прими само 13 гола во 34 кола и сигурно беше еден од најзаслужните што тимот заврши на петтото место во Бундеслигата. Од минатата година тој е дел и од репрезентацијата на Холандија, за која собра четири настапи.
„Марк е играч со многу квалитети. Има големо искуство и решивме да го доведеме по двете одлични сезони што ги имаше во Фрајбург“, задоволно коментираше тренерот на Брентфорд, Томас Френк. Брентфорд заврши на деветтото место во Премиер лигата во втората сезона на клубот меѓу елитното друштво.
📊 Our new man in numbers#WelcomeFlekken pic.twitter.com/2N3WT7INTd
— Brentford FC (@BrentfordFC) May 31, 2023
