Холандија и Франција засега не ја оправдуваат фаворитската улога на натпреварите од третото коло во групата Д на Европското првенство. По првиот дел, Австрија има предност од 1-0 против Холанѓаните, додека Франција и Полска играат без голови во Дортмунд.
Дониел Мален беше несреќен во селекцијата на Роналд Куман и си постигна автогол во шестата минута. Потоа, во текот на првото полувреме, имаше шанса и да постигне гол во вистинската мрежа, но не беше прецизен.
Франција сѐ уште нема постигнато гол на Европското првенство. Составот на Дидие Дешан и понатаму игра со почетниот резултат 0-0 по првото полувреме против Полска. Килијан Мбапе е во тимот, а на клупата остана Антоан Гризман.
