Хрватска покажа како се игра храбро, одлучно и квалитетно против домашна селекција на ЕП и славеше убедлива победа од 27:23 против Австрија во првиот меч од втората фаза на шампионатот.
Избраниците на Лино Червар имаа контрола на мечот од самиот почеток и на полувреме заминаа со предност од 13:8.
Во продолжението Австријците се обидоа да направат пресврт, стасаа до негатива од четири гола разлика, но понатаму не можеа против супериорната Хрватска.
Популарните Каубои сега се на делба на првата позиција со Шпанија во Групата 1 на ЕП 2020 година. Претходно „Црвената фурија“ славеше против Чешка со 31:25, а вечерва се игра и мечот меѓу Белорусија и Германија.
