Србија утревечер во Белград игра против Шкотска во меч кој треба да го даде патникот за Европското првенство. Ова е еден од четирите натпревари кои треба да ги дадат последните патници на континенталниот собир. Еден од тие четири меча е и тој во Тбилиси, каде што Грузија игра со Македонија.
Според направената ждрепка за ЕП, веќе се знае дека победникот од Србија – Шкотска ќе игра во групата каде што се Англија, Чешка и Хрватска. Според историјата и досегашните мечеви, на Хрватска ќе ѝ биде многу подобро ако Србија се пласира на ЕП отколку Шкотска.
Откако Хрватите се одвоија од Југославија, против репрезентација во која играле Србите има четири меча, а Коцкестите ниту еднаш не загубиле. Сосема е поинаква ситуацијата кога Хрватска за противник ја имала Шкотска. Тие досега пет пати играле против Шкотите и досега ниту еднаш не победиле.
Затоа, ако се гледа историјата и традицијата, Хрватска може и да навива Србија да ја добие како ривал во групата од ЕП затоа што Шкотска е ривал против кој немаат радост. И за сите на Балканот сигурно ќе биде многу поинтересно ако следната година на ЕП гледаме дуел Хрватска – Србија.
