Неславен крај имаше дуелот од Суперкупот меѓу Хуачипато и Коло Коло поради дивеењето на навивачите на трибините. Коло Коло имаше предност од 2:0 и беше пред освојување на трофејот кога на трибините токму нивните навивачи почнаа со хаосот.
Овие навивачи уште од самиот почеток почнаа да дивеат, да кршат столчиња и да фрлаат тврди предмети кон теренот. Поради тоа, полувремето траеше половина час, а кога малку се смири ситуацијата, почна и второто полувреме, кое, за жал, не заврши.
Во 80-тата минута започна лудилото, кое не можеше да биде сопрено.
🇨🇱 Mas videos de lo que pasó entre La Garra Blanca de Colo Colo y Carabineros
Todo comenzó cuando Carabineros quiso retirar banderas que tenían mensajes contra Sebastián Piñera, ex presidente del pais, fallecido recientemente pic.twitter.com/c4G0EkA1EC
— 🥊𝕳 BARRAS DEL MUNDO ⚽🍺 (@Barras_LATAM) February 12, 2024
Полицијата и обезбедувањето се обидоа да го тргнат транспарентот против поранешниот претседател на државата, неодамна починатиот Себастијан Пинера, кој беше и директор на клубот Коло Коло. Скандирања имаше и против актуелниот претседател на Фудбалската федерација, Пабло Милада.
Навивачите запалија столчиња кои беа на трибината, а судијата реши дека нема услови натпреварот да се доигра затоа што не може да се гарантира сигурноста на гледачите и фудбалерите.
LOS HINCHAS DE COLO COLO QUEMARON UNA TRIBUNA 🇨🇱
👉🏼Los incidentes obligaron a suspender el partido por la Supercopa ante Huachipato pic.twitter.com/We4pEqlKyU
— Diario Olé (@DiarioOle) February 12, 2024
До прекинот, Коло Коло имаше водство од 2:0, но сега е неизвесно како ќе биде регистриран овој меч, а сигурно е дека чилеанскиот гигант ќе добие жестока казна поради дивеењето на нивните навивачи.
Еден од двата гола за Коло Коло беше дело на легендарниот Артуо Видал, кој погоди од пенал за 2:0.
Arturo Vidal y su primer gol en Colo-Colo tras su regreso a casa ⚽️👑
— Colo-Colo (@ColoColo) February 11, 2024