Аргентинскиот напаѓач, Хулијан Алварес, јавно изрази желба да си замине од Манчестер сити и побара од клубот да го продаде. Фудбалерот пред само две години пристигна од Ривер плата за 22 милиони евра, но неговата цена порасна, па прашање беше дали ќе се најде некој што ќе плати 70 милиони евра за него.
Сепак, сега желбата на Алварес ќе му се исполни, бидејќи веќе ги договорил личните услови за петгодишен договор со Атлетико Мадрид, па сега останува да се договорат уште екипите околу обесштетувањето.
Хулијан Алварес за Манчестер сити одигра 103 натпревари, на кои постигна 36 натпревар, а забележа и 18 асистенции. Интерес за неговите услуги се најавуваше и од екипата на ПСЖ, но „јорганџиите“ беа побрзи и сега носат големо засилување во своите редови.
