НБА-ѕвездата Кевин Дурант е еден од четворицата играчи на Бруклин нетс кои се заразени од опасниот Коронавирус. Дурант во саботата беше тестиран, а резултатите покажаа дека е позитивен.
„Се чувствувам добро. Сите бидете претпазливи, внимавајте на себе и одете во карантин. Заедно ќе го поминеме ова“, напиша Дурант.
Освен четворицата играчи на Бруклин, од претходно заразени со опасниот вирус во НБА беа потврдени и двоецот од Јута џез Руди Гоберт и Донован Мичел, како и Крис Вуд од Детроит пистонс.
Дурант цела сезона беше неактивен бидејќи закрепнуваше од тешката повреда здобиена на крајот од минатата сезона, кога заработи пукнатина на Ахиловата тетива.
По информацијата дека четворица играчи на Бруклин се заразени од Коронавирусот, стигна информација дека сите кошаркари на Лос Анџелес лејкерс ќе одат во 14-дневна изолација.
Sources: Lakers just had conference call with players and will be tested tomorrow for Coronavirus and will have 14 day self-quarantine.
— Brad Turner (@BA_Turner) March 17, 2020
Низ целиот свет потврдени се над 184.000 заразени од Коронавирусот, а има и над 7.500 мртви.
