Златан Ибрахимовиќ неодамна ја промовира новата книга која се вика „Адреналин“, а во која шведскиот голгетер открива многу работи кои не биле познати за него. Популарниот Ибра веќе две децении е во врвот на светскиот фудбал, но кога бил помлад, и тој има свој идол, фудбалерот кого го смета за најдобар на сите времиња.
„За мене, Роналдо Феномено е најдобар. Дали е подобар и од Марадона? Не сум го гледал Марадона, можеби за друга генерација тој е најдобар. Јас Роналдо сум го гледал во живо, а како дете ги имитирав неговите потези. Се обидував да го правам тоа што Роналдо го правеше, но едноставно не бев доволно брз како него“, открива Ибрахимовиќ.
Пред 15-тина години, додека Ибрахимовиќ играше за Интер, а Роналдо беше во Милан, се случи и една анталогиска снимка на која Златан му се восхитува и без да трепне го гледа Бразилецот.
За тоа кој е подобар од Кристијано Роналдо и Лионел Меси, Ибрахимовиќ се одлучи за Аргентинецот.
„Двајцата се многу добри. Тоа е тежок избор. Сепак, ако треба да одберам, би го одбрал Меси затоа што сум играл со него заедно. Го гледав одблизу и знам дека сè што прави е природно“, вели Ибрахимовиќ.
