Златан Ибрахимовиќ повторно ќе го носи дресот на Милан. Според најавите од Италија, Лос Анџелес галакси ја прифати понудата од два милиони евра за шестмесечна позајмица. Шведскиот голгетер две години играше во Милан, па дури стана и шампион на Италија во 2011 година.
„Факт е дека Ибрахимовиќ е многу блиску до доаѓање во Милан. Сега не е момент да зборуваме за тоа. Тоа е играч кој има посебни квалитети. Знае да ги мотивира соиграчите и никогаш не се предава“, неодамна рече директорот на Милан, Леонардо.
