Шкотскиот фудбалер Лиам Хендерсон синоќа на куп мечот против Јувентус, доби два жолти картони, но не беше исклучен.
Сепак немаше ништо спорно, судијата постапи според правилата и не покажа црвен картон.
Хендерсон прво „пожолте“ во текот на средбата поради груб фаул, а подоцна доби јавна опомена и за провокативно однесување кон фановите на Јувентус откако даде гол од пенал во пенал серијата. Пенал сериите се сметаат како одвоен дел од регуларниот дел на натпреварот.
Вториот картон не му донесе исклучување, но ќе му се смета за понатамошниот тек од Купот на Италија.
