Холандскиот репрезентативец Вут Вегхорст наскоро треба да го комплетира договорот според кој ќе биде нов играч на Манчестер јунајтед. Вегхорст на „Олд Трафорд“ доаѓа од тимот на Бешикташ и тоа како позајмен играч, за кој турскиот гигант ќе добие три милиони евра.
Wout Weghorst to Manchester United, here we go! All conditions revealed on Tuesday are confirmed: Man Utd pay €3m to Besiktas then sign Weghorst on loan from Burnley 🚨🔴 #MUFC
🛫 Understand Weghorst will fly to Manchester today to undergo medical tests and then sign contracts. pic.twitter.com/99TPoRuo67
— Fabrizio Romano (@FabrizioRomano) January 12, 2023
Најавите се дека Вегхорст може да дебитира за Манчестер јунајтед веќе овој викенд и тоа на големото градско дерби против Сити.
Вегхорст беше дел од холандската репрезентација на Светското првенство во Катар, а се прослави на дуелот во четвртфиналето против Аргентина. Тој влезе како резерва во второто полувреме и за кратко време постигна два гола, носејќи израмнување 2:2, па дуелот мораше да се реши на пенали. Во пенал-рулетот, Холандија сепак беше елиминирана, а Вегхорст влезе во вербален конфликт со Лионел Меси. Капитенот на Аргентина јавно го навреди Холанѓанецот, а Вегхорст подоцна изјави дека е горд затоа што Меси го запамтил неговото име.
Вегхорст во Манчестер јунајтед треба да го пополни испразнетото место во нападот по заминувањето на Кристијано Роналдо.
