За норвешкото чудо Ерлинг Браут Халанд веќе знаат сите, тој сега е ѕвезда на Борусија Дортмунд откако се прослави во Салцбург, но малкумина знаат дека тој има роднина кој се вика Алберт Браут Чоланд и на 16 години е можеби и уште поголем талент од Халанд, иако Ерлинг Браут на 15 години се појави во тимот на Брин.
Чоланд веќе дебитираше за првиот тим на клубот Брин, а за младинскиот состав на 22 меча постигнал дури 30 голови. Разликата е што тој повеќе ја користи десната нога, за разлика од левучарот Халанд.
„Секако дека мојот роднина е голема инспирација за мене. Засега моја желба е да постигнам гол на еден официјален меч за Брин“, изјави Чоланд, кој е висок 185 сантиметри.
